«Մայրս օգնում է, որ կարողանանք դուրս գալ այս բարդ փուլից». Էվա Խաչատրյանի նոր ֆոտոշարքն ու կյանքի դեպրեսիվ շրջանը
Դերասանուհի Էվա Խաչատրյանը նոր ֆոտոշարք ունի: Tert.am Life-ի հետ զրույցում Էվան խոսել է ֆոտոշարքի, զգացմունքային լինելու, հարկադրված հեռուստատեսային դադարի, դեպրեսիվ շրջանի և իր ֆինանսական իրավիճակի մասին:
Ֆոտոշարքի հեղինակն Արսեն Սարգսյանն է: Ըստ Էվայի՝ նա ոլորտում որպես լուսանկարիչ այնքան էլ հայտնի չէ: «Այս անգամ, տարօրինակ կերպով, ֆոտոշարքի ոճը ես եմ ընտրել: Սև գույնն ընտրեցի, բայց սևի մեջ լինել չեմ սիրում, այն իմ գույնը չէ, հագուստներիս մեծ մասը սպիտակ է: Ուղղակի այս անգամ որոշեցի, որ իմ պատկերացրածը կարող եմ սևով ստանալ»,- ասաց նա:
Լուսանկարներում դերասանուհին աֆրոհյուսքերով է: Նրա խոսքով՝ առաջին անգամ չէ, որ նման սանրվածք է անում: «Սանրվածքն ինձ շատ է դուր եկել, ուզում եմ նորից անել: Իմ մազերի հետ ինչ-որ նմանություն կա, բայց տարբեր են: Մազերիս հետ կապված ամեն փոփոխության չեմ գնա: Վերջերս մի նախագծից առաջարկ ստացա, բայց պետք է գլխիս մի հատված գրեթե սափրեի: Բնականաբար հրաժարվեցի, որովհետև ինձ համար կարճ սանրվածքը հակացուցված է, գանգուր մազերի համար դա հարմարավետ չէ: Չեմ կարծում, որ այդ նախագիծն ինձ հոլիվուդյան ճանաչում կամ այնքան ֆինանս կբերեր, որ չկենտրոնանայի մազերիս վրա: Ամեն ինչ առաջարկից է կախված, եթե հոլիվուդյան ֆիլմ լիներ, գուցե չմտածեի մազերիս մասին»,- ընդգծեց նա:
Էվան նշեց, որ իր ֆոտոշարքերն ուղղակի ֆոտոշարքեր չեն, իր ապրումներն են: «Իմ կատարած յուրաքանչյուր աշխատանքի մեջ զգացմունքներ կան: Ինձ համար յուրաքանչյուր երևույթ, վերաբերմունք առանց էմոցիա գոյություն չունի, առանց դրանց ամենալավ լուսանկարն էլ անշունչ կդառնա: Չեմ կարող բացատրել, թե կոնկրետ այս ֆոտոշարքում ինչ ապրումներ ունեմ, ամեն մեկն իր համար ինչ-որ բան կգտնի: Կոնկրետ չեմ մտածել, թե այդ պահին ինչ տամ, որպես դերասան՝ ներքին աշխատանք եմ տարել»,- պատմեց դերասանուհին:
Հարցին, թե զգացմունքային մարդու համար կյանքը բարդ չէ՞, Էվան պատասխանեց. «Իհարկե, բարդ է, որովհետև ինձ համար աշխարհում ամեն ինչ ավելի խորը շերտեր ունի, ավելի բարդ եմ ապրում, ծանր կշռում, դատում: Ընկերներս, երբեմն, ինձ նկատողություն են անում դրա համար, բայց այդպիսին եմ, ինչ արած: Գուցե լավ է, որ մակերեսորեն չեմ նայում ոչնչի, նման մարդիկ հեշտ են ապրում, բայց ավելի անգույն»:
Տևական ժամանակ է՝ դերասանուհին հեռուստատեսային դադարի մեջ է: Շեշտեց, որ այդ դադարը հարկադրված է:
«Դադարի կարիք չունեի, ինձ 1-2 շաբաթն էլ է հերիք, որ նախագծից հետո հանգստանամ: Առաջարկներ համարյա չեն եղել, ընտրության հնարավորություն ևս: Դեպրեսիվ, անհասկանալի շրջանում եմ, երբևէ նման մեծ դադար չեմ ունեցել: Միշտ այնքան հագեցած եմ աշխատել, որ, երբեմն, ֆիզիկական ուժերս ինձ լքել են, առողջական խնդիրներ եմ ունեցել, էներգիայի կորուստ: Կարծես բոլոր խաղալիքներս ինձնից վերցրած լինեն, մնացել եմ ինքս ինձ հետ միայնակ: Մտածելու փուլը շատ էր, բայց դեպրեսիվ շրջանը գոնե մի փոքր մեղմվեց: Դրան նպաստեց այն, որ թատրոնում եմ խաղում, միակ վայրն է, որտեղ ինձ խաղաղ եմ զգում, զբաղվում իմ սիրելի գործով: Բեմադրեցինք «5 պատմություն սիրո մասին» ներկայացումը, որի ընթացքում ռեժիսոր Դավիթ Աբրահամյանն ու դերասան Մխիթար Ավետիսյանն օգնեցին մի փոքր դուրս գալ այդ փուլից»,- ասաց նա:
Նկարահանվելը եկամտի աղբյուր է շատ դերասանների համար: Էվայից հետաքրքրվեցինք՝ որքանո՞վ է չնկարահանվելն ազդել իր ֆինանսական վիճակի վրա: «Ֆինանսապես ևս բարդ է, բայց բավարարվում եմ թատրոնի համեստ աշխատավարձով, մայրս ևս օգնում է, որ կարողանանք դուրս գալ այս բարդ փուլից: Մտածել եմ նաև այլ աշխատանքով զբաղվելու մասին, բայց դեռ չեմ գտել այն աշխատանքը, որը կարող եմ անել ու ինձ լավ զգալ: Շատ բաներ կարող եմ անել, բայց չեմ անի, որովհետև հոգեպես երջանիկ, խաղաղ, իմ տեղում չեմ զգա»,- եզրափակեց նա:
Айк Марутян также считает, что власть Никола Пашиняна должна уйти: «Паст» 
У Армана Татояна есть решение: какой формат он предпочтет? «Паст» 
“ФАКТ”. Что собираются построить американцы в Армении без какого-либо опыта? 
Трибунал Армянского национального достоинства рассмотрит преступления, совершенные режимом Пашиняна после 2018 года: Аршак Карапетян 
Примечательные изменения в списке крупных налогоплательщиков: «Паст» 
«Мастерс» в Мадриде: Пары 1/4 финала 
Том Круз «польщен» тем, что Ирина Шейк заинтересована в нем, но эта миссия невыполнима 
Мирзоян признает бездарность администрации 
У снижения курса доллара есть другие политические причины 
Трибунал Армянского национального достоинства серьезно расшатает основы действующей власти: Аршак Карапетян 
ЧЕ: Нарек Манасян - серебряный призер
Композитор Шарль Азнавур: к столетию шансонье 
Жители Киранца возмущены встречей с Пашиняном 
Что дадут переговоры в Казахстане? 
В «Гражданском договоре» рассветы не мирные 
США потребовали от Пашиняна не участвовать в инаугурации Путина 
Судебная система Армении не обладает достаточной независимостью, создание Трибунала Армянского национального достоинства является императивом сегодняшнего дня: Аршак Карапетян 
ЧЕ: Результаты армянских шахматисток в 7-м туре 
Бритни Спирс: Моя семья причинила мне боль 
Акции протеста в Тавуше постепенно расширяются 
Мастер-класс беспринципности от Никола Пашиняна 
Экономика Армении растет, но за счет реэкспорта 
Создание Трибунала Армянского национального достоинства является необходимостью։ Аршак Карапетян 
Избитый и напуганный «День гражданина» не может быть 
Что ожидается в Казахстане? Ереван согласен на встречу 
Пашинян готов покупать газ даже у Азербайджана, не понимая последствий этого 
Создание Трибунала Армянского Национального Достоинства является необходимостью: Аршак Карапетян 
«Дал ход» всем инструментам режима: «Паст» 
Что случилось с вопросом «Общественного трибунала национальной гордости»? Будет ли Аршак Карапетян последовательным? «Паст» 
Администрация решила подавить протесты насилием 
