«Երեխաները ենթարկվում են թրաֆիքինգի». ի՞նչ է կատարվում Արմավիրի մարզում
Այսօրվանից երեխաները դպրոց չեն գնալու, մինչև որ մեր հարցին լուծում չտրվի: Դպրոցը բաց է, տնօրենն ու ուսուցիչները այնտեղ են, սակայն 200 աշակերտից այսօր բացակայել է 168-ը: Այս մասին ԼՈՒՐԵՐ.com -ի հետ զրույցում ասաց Արմավիրի մարզի Երասխահուն համայնքի բնակիչ Տիգրան Փանոսյանը՝ հավելելով, որ չեն ուղարկի այնքան ժամանակ, մինչև իրենց հարցը չլուծվի:
Նա նշեց, որ ունեն մի քանի պահանջ և քանի որ իրենց ճանապարհ փակելուց հետո հարցը չի լուծվել, հիմա էլ գնում են այս քայլին. «Առաջինը պահանջում ենք՝ մշակութային տարածքն ամբողջովին վերադարձնեն մեզ, ոչ թե մի տարածք տան ու ասեն՝ այստեղ դրեք զոհվածների հիշատակին նվիրված հուշարձանը: Իրենք այնպիսի մի տարածք էին հատկացրել մեզ, որ երբ զոհված տղաների հարազատները տեսան, սկսեցին լաց լինել. այսպես ասեմ՝ տրամադրել էին կոյուղու տարածք: Իսկ հաջորդ պահանջն այն է, որ համայնքի ղեկավար նշանակեն այն մարդուն, որին մենք ենք ընտրել, ոչ թե նախկին գյուղապետին, որը չունի բարձրագույն կրթություն»,- ասաց մեզ ահազանգած քաղաքացին:
Վերջինս պնդում է, որ նախկին գյուղապետ Արմեն Ավետիսյանը նրանց ասել է, թե մշակութային համալիրի մի տարածքն ինքն է սեփականաշնորհել: Հիմա էլ, երբ հայտնի դարձավ՝ նախկին գյուղապետը դիպլոմ չունի, որոշել են ֆիկտիվ մեկին նշանակել, սակայն համայնքի կառավարումը շարունակի Արմեն Ավետիսյանը.
«Մենք գյուղում վարչական շրջանի ղեկավար չունենք, 2018 թվականից այն կողմ ընտրություն չեղավ, հետո համայնքները միացրին իրար և նշանակեցին մեր նախկին 25 տարվա գյուղապետի եղբոր տղային, որը 22 տարեկան էր: Ժողովուրդը չհամաձայնեց, իրեն հանեցին, որից հետո գյուղում 500 հոգի ստորագրությամբ համաձայնեց՝ վարչական շրջանի ղեկավար նշանակվի Նարեկ Փանոսյանը: Մեզ էլ ասացին, որ թեկուզ 1000 ստորագրություն էլ հավաքվի, միևնույն է, իրենք են ընտրողը: Այս պահին ԺՊ եսիմ որտեղից, եսիմ ինչ կին են բերել, դրել, որ ոչ մի խնդրին ծանոթ չէ, ու չենք էլ ուզում մոտենալ իրեն: Մշակույթի տան տարածքում էլ հուշարձան ենք ցանկանում դնել, բայց պարզվում է, որ այդ տարածքն էլ է մեր նախկին գյուղապետը սեփականաշնորհել, հենց նա է մեզ ասել այդ մասին»,- նշեց Տիգրան Փանոսյանը:
Ըստ նրա՝ գյուղը ոչինչ չունի, անգամ դպրոցն է անմխիթար վիճակում գտնվում.
«Եթե գաք դպրոց, կհասկանաք. այնտեղ մի անկյուն կա, որտեղ փակցված են մեր զոհված հերոսների լուսանկարները և այդ պատը վերանորոգել են հենց այդ տղաների ծնողները, որ դրանք կեղտոտ պատին չփակցվեն, սա է եղել մեր նախկին գյուղապետի և տնօրենի պատկերը»,- ընդգծեց մեր զրուցակիցը:
ԼՈՒՐԵՐ.com -ը զրուցեց նաև Արմավիրի մարզի Երասխահուն համայնքի Մարտիկ Գևորգյանի անվան միջնակարգ դպրոցի տնօրեն Կարինե Մանուկյանի հետ, որը նշեց, դասապրոցեսը ընթանում է, թեկուզ 1 աշակերտ էլ լինի, իրենք իրավունք չունեն դաս չանցկացնել.
«Ես քաղաքական կերպար չեմ և չեմ առնչվում ոչ մի թևի հետ, չեզոք եմ և այստեղ հայտնվել եմ երեխայի կրթության իրավունքը պաշտպանելու համար: Դպրոցը, այնուամենայնիվ, պետք է քաղաքականությունից զատվի: Երեխային չի կարելի որպես զենք օգտագործել, ես դեմ եմ այս ամենին: Չեմ կարողանում հասկանալ՝ ինչ է նշանակում երեխային զրկել կրթության իրավունքից»,- ասաց նա:
Հետաքրքրվեցինք՝ ինչ քայլեր է պատրաստվում ձեռնարկել, ծնողական ժողով արդյոք կիրականացնի, տնօրենը պատասխանեց. «Եթե իրավիճակը այսպես շարունակվի, ապա ես համընդհանուր ժողով կհայտարարեմ, չնայած նրան, որ այսօր էլ դասղեկները իմ ներկայությամբ զանգահարել և ծնողներին ասել են՝ երեխաներին ուղարկեն դպրոց: Եթե նկատեմ՝ այլևս չեն գալիս դպրոց, կդիմեմ պատկան մարմիններին, վերադաս մարմին եմ հաղորդել և ամեն կես ժամը մեկ զեկուցում եմ հաճախելիության հետ կապված: Կդիմեմ երեխաների պաշտպանությանը՝ նշելով, որ նրանց ենթարկում են թրաֆիքինգի՝ զրկելով կրթության իրավունքից: Արդյունքում երեխան որպես զենք օգտագործվում է ծնողի կողմից»,- նշեց նա՝ հավելելով, որ երեխաներն անգամ դեմ են իրենց ծնողների կայացրած որոշմանը:
Նա նշեց, որ երբ զանգահարում են երեխաների ծնողներին, ասում են՝ կամ հիվանդ են, կամ նրանք չեն հաճախի դպրոց այնքան ժամանակ, քանի դեռ իրենց հարցը չլուծվի:
Տնօրենը հաստատեց, որ դպրոցը գտնվում է անմխիթար վիճակում, բայցև հավելեց, որ վերանորոգումներ են սկսել ընթանալ. «Դպրոցը ամբողջությամբ հիմնանորոգման կարիք ունի, չկա մի անկյուն, որը լավ վիճակում է, տարիներ շարունակ այստեղ որևէ ֆինասնավորում չի եղել, հիմա էլ բարերարն է օգնում վերանորոգման հարցում»,- ասաց տնօրենը:
Զվարթ Պետրոսյան
Песков озвучил число приглашенных мировых лидеров на 9 Мая
Медведев напомнил про предупреждение России об «Орешнике»
Ваан Керобян продал menu. am: «Паст» 
«Никол Пашинян не может развивать страну: он не руководитель, не правитель, и никогда таким не был»: «Паст» 
Своеобразное «продолжение» COP29 уже в Армении: опять продолжают лить воду на мельницу Азербайджана: «Паст» 
Уголовное дело возбуждено после стрельбы в центре Москвы 
Хумус с морковью и пряностями: вкусно, красиво и полезно
Два мальчика погибли в пожаре под Псковом
Байден отказался отвечать на вопрос, начал ли уже Трамп новую торговую войну 
ВОЗ надеется на достижение мира в секторе Газа после соглашения по Ливану 
Во многих населенных пунктах Армении идет снег 
США раскручивают прозападные партии в Армении – СВР России 
Путин утвердил новый праздник: День морской пехоты 27 ноября, история
В Краснодаре прошел Международный фестиваль армянского творчества «Назани» 
По просьбе Армении саммит ЕАЭС пройдет 25 декабря в Санкт-Петербурге: Юрий Ушаков 
Названа возможная причина крушения самолета DHL в Литве
Появились кадры с места взрыва автомобиля в подмосковном ЖК
Самый старый мужчина в мире родился в год, когда затонул «Титаник» и умер в возрасте 112 лет 
Цена нефти Brent стабилизировалась у $72,9 за баррель 
Сытный перекус — сладкий бутерброд с творожным сыром и карамелью
Иран приветствует соглашение о прекращении огня между Ливаном и Израилем 
«Аэрофлот» начал увольнения из-за проблем с обслуживанием самолетов 
Арест обвиняемому в причастности к теракту в Дербенте продлили
Сколько граждан РА, обучающихся за рубежом в последние годы, получили отсрочку от призыва на обязательную военную службу? «Паст» 
Почему вся система международного права оказалась в крайне уязвимом и нестабильном состоянии? «Паст» 
Три человека в больнице после прорыва трубы на юго-западе Петербурга
Раф, дрип и ристретто — учимся расшифровывать кофейное меню
Между Николом Пашиняном и Араратом Мирзояном «пробежала черная кошка»? «Паст» 
Шойгу заявил, что РФ намерена исключить "Талибан" из черного списка
Своеобразная «концепция» «борьбы» с преступностью: «Паст» 
