«Օմիկրոնի» որոշ ախտանիշները հեշտությամբ շփոթում են գերհոգնածության հետ
Մկանների և հոդերի ցավը, հատկապես մեջքի և ուսերի հատվածում, կարող է լինել կորոնավիրուսի օմիկրոն շտամով վարակվելու վաղ նշաններից։ Այս մասին գրում է Daily Express-ը։
Առողջապահության ազգային ծառայության տվյալներով՝ այս ոչ ակնհայտ ախտանիշները տարածված են հիվանդների մոտ և կարող են օգնել ինքնորոշել COVID-19-ը վաղ փուլում և սկսել բուժումը ժամանակին։
«Մարդիկ զգում են ցավ, որը կարող է որոշ ժամանակ առաջանալ և անցնել ապաքինման ընթացքում: Ոմանք նաև ունենում են տարօրինակ կամ փոփոխված զգացողություններ, ինչպիսիք են թմրությունը կամ քորոցը, թուլությունը ձեռքերում կամ ոտքերում», - նշում են մասնագետները:
Ըստ ZOE COVID Symptom Study-ի՝ SARS-CoV-2 ախտանշանները հետևող ամենամեծ հավելվածի՝ նման ցավերը կարող են հայտնվել վարակի վաղ շրջանում։ «Դրանք սովորաբար տևում են միջինը երկու-երեք օր, բայց կարող են ավելի երկար տևել՝ ըստ տարիքի։ Երեխաների մոտ ցավը տևում է մինչև 4 օր, 16-35 տարեկանների մոտ մինչև 5 օր, 35-ամյաների մոտ 7 օր, 65-ում և դրանից բարձր մարդկանց մոտ այն տևում է 8 օր»,- ասել են նախագծում ներգրավված գիտնականները։