Առնոլդ Շվարցենեգերը վթարի է ենթարկվել (ֆոտո)
Դերասան Առնոլդ Շվարցենեգերը ավտովթարի է ենթարկվել, գրում է TMZ-ը։
Հաղորդվում է, որ Շվարցենեգերը վարել է Yukon մակնիշի սեւ ամենագնաց եւ բախվել է կարմիր Prius-ին: Բախման հետեւանքով ամենագնացը մասամբ հայտնվել է Prius-ի վրա, ինչպես նաեւ հարվածել է հարեւանությամբ գտնվող Porsche Cayenne-ին, հաղորդում է Gazeta.ru-ն։
Ականատեսների խոսքով՝ վթարը նման է եղել «ֆիլմի հնարքի», իսկ բախումն այնքան ուժեղ էր, որ դերասանի մեքենայում բացվել են անվտանգության բարձիկները։
Նախնական տվյալներով՝ Շվարցենեգերը չի տուժել։ Prius-ի ղեկին գտնվող կինը վիրավորվել է, նրան հիվանդանոց են տեղափոխել վնասվածքներով, մասնավորապես՝ գլխի ուժեղ արյունահոսությամբ:
Աղբյուրի տվյալներով՝ դերասանը «խորապես մտահոգված է» տեղի ունեցածով եւ ցանկանում է անձամբ այցելել տուժածին։
