Ավտովթարի ենթարկված հայ հայտնիներ. շատերը չգիտեն այս պատմությունները (տեսանյութ)

Armlady.am-ն այս անգամ անդրադարձել է այն հայտնիներին, ովքր ավտովթարի են ենթարկվել, և դա դարձել է հանրային քննարկման թեմա:

Թամարա Գևորգյան
Դերասանուհի Թամարա Գևորգյանի սարսափելի վթարի մասին լուրը օրեր շարունակ համացանցի թիվ մեկ քննարկման թեման էր:

Վթարը տեղի էր ունեցել հուլիս ամսին։ Ժամը 18։30-ի սահմաններում Թամարան իր Nissan Teana մակնիշի ավտոմեքենայով Մարգարա-Վանաձոր-Տաշիր ավտոճանապարհին դուրս էր եկել ճանապարհի երթևեկելի գոտուց, բախվել երկաթբետոնե արգելապատնեշներին և մասամբ հայտնվել դաշտում։

Դերասանուհու խոսքով՝ ինքն արագ չի վարել մեքենան, պարզապես կորցրել է մեքենայի կառավարումը։

Թամարան հրաշքով է փրկվել սարսափելի վթարից, ավելին՝ կանգնած է եղել ոտքը կորցնելու վտանգի առաջ։

Դերասանուհին 3 անգամ ենթարկվել է վիրահատության։

Սարսափելի վթարից միայն ամիսներ անց Թամարան կարողացել է քայլել «Հրեշը լուսնի վրա» ներկայացման պրեմիերային:

Ջուլիա Սաղաթելյան

Դերասանուհի Ջուլիա Սաղաթելյանը սարսափելի վթարի է ենթարկվել 2016 թվականին:Երևան-Գյումրի ավտոճանապարհին տեղի ունեցած վթարի հետևանքով ընկել էր ձորն ու  բազմաթիվ վնասվածքներով տեղափոխվել Գյումրիի բժշկական կենտրոններից մեկը: Որոշ ժամանակ հետո կատարվել էր սպասված վիրահատությունը, սակայն դա դեռ բավարար չէր, որպեսզի Ջուլիան ամբողջովին վերականգնվեր:  Դերասանուհին ևս մեկ անգամ վիրահատվեց, որից հետո սկսեց քայլել: Սկզբնական շրջանում դերասանուհին ձեռնափայտով էր քայլում:

Ջուլիայի խոսքով՝ կյանքի այդ փուլում իրեն չէին զանգահարում գործընկերներըհ կամ ռեժիսորները, ոչ մի առաջարկ չէր ստանում: Դերասանուհին խոստովանում էր, որ թեև ցավեր ուներ, սակայն մեծ ցանկություն ուներ վերեդառնալու իր աշխատանքին: Այսօր, սակայն, դերասանուհուն, այլևս չենք տեսնում եթերում:

«Բաժանումից հետո աղջկաս միայնակ էի մեծացնում, ծանր ժամանակաշրջան էր… Վթարից հետո նա լավ հայր է դարձել, չգիտեմ՝ դա ազդեց, թե՝ ոչ, բայց ուրախ եմ, որ երեխայի հետ կապ ունի, իսկ ես շփում չունեմ: Եվայի համար հոգատար եւ ուշադիր հայր է դարձել, չնայած` նախկինում էլ չեմ արգելել հանդիպել»,- իր հարցազրույցներից մեկում ակեղծացել է դերասանուհին:

Անի Երանյան

Դերասանուհի Անի Երանյանը 2015 թվականինհուլիսին իր վարած «Հունդայի» մակնիշի մեքենայով վթարի էր ենթարկվել Գեղարքունիքի մարզի Ճամբարակից դեպի Սեւանի մայրուղի տանող ճանապարհին:

Դերասանուհին վնասվածքներով տեղափոխվել էր Սեւանի բժշկական կենտրոն:

Ավտովթարի հետեւանքով տուժել էր նաեւ դատավոր Գագիկ Պողոսյանը:

«Երբ դու լավ ես, բոլորը լավ են, երբ վատ ես, քչերն են կողքիդ ու փորձում այնպես անել, որ լավ լինես։ Իմ վթարից հետո կյանքումս շատ բան եղավ։ Երևի, այդպես ավելի լավ էր»,- իր հարցազրույցներից մեկում մի առիթով ասել է Անին՝ անդրադառնալով նրան, թե ինչ է փոխվել իր կյանքում վթարից հետո:

Լիլու

Երգչուհի Լիլուն վթարի է ենթարկվել 2014 թվականին։ Հունվարի 3-ի լույս 4-ի գիշերը` ժամը 04:00-ի սահմաններում, Այգեձոր-Պռոշյան փողոցների խաչմերուկում  երգչուհին իր վարած Nissan մակնիշի մեքենայով հարվածել էր մեկ այլ մեքենայի։

Բարեբախտաբար, երգչուհին լուրջ վնասվածքներ չէր ստացել։