Երեք ուղղաթիռ, 6 ԱԹՍ. ՌԴ ԶՈՒ-ն ամփոփում է գիշերվա ընթացքում ուկրաինական կորուստները
Ապրիլի 4-ին ՌԴ ՊՆ պաշտոնական ներկայացուցիչ Իգոր Կոնոշենկովն առավոտյան ճեպազրույց է անցկացրել Ուկրաինայում տիրող իրավիճակի, ինչպես նաև ՌԴ զինված ուժերի գործողությունների արդյունքների վերաբերյալ։ «Ապրիլի 4-ի գիշերը Լիսիչանսկի շրջանում ավիահարվածի արդյունքում ոչնչացվել է ուկրաինական 24-րդ առանձին մեքենայացված բրիգադի հրամանատարական կետը։ Նիկոլաևի արվարձանում գտնվող Բալովնոյե օդանավակայանին հասցված հարվածի արդյունքում՝ հաստատվել է ուկրաինական զորքերի երեք ուղղաթիռի ոչնչացումը։ Ռուսական հակաօդային պաշտպանության համակարգերը օդում խոցել են Ուկրաինայի վեց անօդաչու թռչող սարքեր»,֊ասել է Կոնաշենկովը։
«Գիշերը ռուսական ավիացիան խոցել է Ուկրաինայի 14 ռազմական օբյեկտ, այդ թվում՝ 2 հրամանատարական կետ, 2 «Բուկ-Մ1», 1 հրետանային մարտկոց, 2 զենքի և 3 վառելիքի պահեստ, 6 հենակետ և ռազմական տեխնիկայի կենտրոնացման շրջաններ»,֊հավելել է Կոնաշենկովը։