Զելենսկին նոր կոչով է դիմել
Ուկրաինայի նախագահ Վլադիմիր Զելենսկին աշխարհի բոլոր երկրներին և ընկերություններին կոչ է արել դադարեցնել առևտուրը Ռուսաստանի հետ՝ այդ երկրի սկսած հատուկ ռազմական գործողության ֆոնին։ Այս մասին ասվում է Զելենսկիի Twitter-ի էջում։
«Ուկրաինայի դեմ այս պատերազմի գինը Ռուսաստանի համար պետք է չափազանց ցավոտ լինի: Այս ճնշումն առաջադրանք է բոլոր ուկրաինացիների համար՝ տանը և արտերկրում, ինչպես նաև մեր երկրի բոլոր ընկերների և գործընկերների համար։ Աշխարհում բոլորը պետք է բարոյական դիրքորոշում ունենան: Ոչ միայն պետությունը, այլև ընկերությունները։ Ռուսաստանի հետ ամբողջ առևտուրը պետք է դադարեցվի, որպեսզի այն չկարողանա հովանավորել մեր երեխաների սպանությունը։ Աշխարհի ուկրաինացիներ, կապվեք քաղաքական գործիչների հետ, խոսեք լրագրողների հետ, ճնշում գործադրեք բիզնեսի վրա, որպեսզի հեռանան ռուսական շուկայից։ Որպեսզի նրանց դոլարներն ու եվրոները չվճարվեն մեր արյան համար»,-գրել է Զելենսկին:
Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին:
Հեռուստաուղերձում նա ասել էր, որ հանգամանքները «մեզնից պահանջում են վճռական և անհապաղ գործողություններ, Դոնբասի ժողովրդական հանրապետությունները օգնության խնդրանքով դիմել են Ռուսաստանին»:
Ռուսաստանի ղեկավարի խոսքով, արյունահեղության ողջ պատասխանատվությունը կլինի Ուկրաինայում իշխող ռեժիմի խղճի վրա։ Նա ուկրաինացի զինվորականներին կոչ է արել չկատարել ուկրաինական իշխանությունների հանցավոր հրամանները, վայր դնել զենքերն ու գնալ տուն։
Ի պատասխան Արևմուտքը սահմանել է նոր հակառուսական պատժամիջոցներ: Մասնավորապես, դրա ներքո են հայտնվել մի քանի խոշորագույն բանկեր, ներառյալ «Սբերբանկ»-ը և ՎՏԲ-ն: Եվրամիությունը, ԱՄՆ-ն, Կանադան և մի շարք այլ երկրներ երկինքը փակել են Ռուսաստանի ինքնաթիռների համար: Մի շարք պետական ընկերությունների համար դժվարացել են օտարերկրյա կապիտալի ներգրավման հնարավորությունները: Պատժամիջոցներ են սահմանվել բարձրտեխնոլոգիական ապրանքներ Ռուսաստան մատակարարելու վրա:
Безопасная авантюра без «парашюта». «Паст»
«Почему стрелы были направлены именно в адрес “того, кто разнимает драку”. «Паст»
В Ереване обрушилась часть здания бывшего фортепианного завода: есть пострадавший
«Нет времени»: в Киеве напомнили Зеленскому об одном важном вопросе
Почему Арман Татоян не участвовал в слушаниях по делу политзаключённых? «Паст»
Ушаков рассказал об итогах переговоров с Уиткоффом
Где искать следы отмывания денег? «Паст»
«Это издевательство над государственностью». «Паст»
Итальянский пианист Антонио ди Кристофано выступит с сольным концертом в Ереване и проведет мастер-к...
Почему бывший министр обороны «заговорил сейчас»? «Паст».