Իրինա Դուբցովան շտապ վիրահատության է ենթարկվել
Ռուս երգչուհի Իրինա Դուբցովան շտապ վիրահատության է ենթարկվել, ինչի մասին հայտնել է իր ինստագրամյան էջում։
«Ոչ ոք ապահովագրված չէ ոչնչից։ Ինձ մոտ «Օմիկրոն» չէ, պարզապես շտապ վիրահատության եմ ենթարկվել։ Մի խոսքով՝ ամեն ինչ կարգին է, արդեն ամեն ինչ արվել է, սակայն վատ նորությունն այն է, որ համերգը, որը պետք է կայանար փետրվարի չորսին, կհետաձգեն մինչեւ մարտ։ Օրն ավելի ուշ կհայտնենք»,- ասել է աստղը։
Երգչուհին իր ախտորոշման մասին մանրամասներ չի հայտնել։ Դուբցովան խոստովանել է, որ անզգայացումից հետո թուլություն է զգում եւ երազում է սիրելի ճաշատեսակների ու տուն վերադառնալու մասին։
Ավելի վաղ երգչուհին կրծքի փոքրացման վիրահատության էր ենթարկվել։