Հայ հայտնիներից ով ինչպես է շնորհավորել Մալենային՝ հաղթանակի կապակցությամբ (տեսանյութ)

Երեկ Ֆրանսիայի մայրաքաղաք Փարիզում կայացած «Մանկական Եվրատեսիլ 2021» երգի միջազգային մրցույթում Հայաստանը ներկայացնող Մալենան հաղթեց՝ մրցույթը մյուս տարի բերելով Հայաստան:

Հայկական շոու բիզնեսի ներկայացուցիչները սոցցանցի իրենց էջերում երեկվանից շարունակում են շնորհավորել մեր ներկայացուցչին՝ հաղթանակի և հրաշալի ելույթի համար:

Երգչուհի Սիրուշոն ինստագրամյան իր էջում տեղադրել է Մալենայի լուսանկարն ու գրել.
«Հայաստանը երկրորդ անգամ հաղթեց մանկական Եվրատեսիլում»: Սիրուշոն հիշել է Վլադիմիր Արզումանյանին, ում շնորհիվ Հայաստանն առաջին անգամ հաղթանակ էր գրանցել այս մրցույթում:
Երգչուհի, դերասանուհի Արփի Գաբրիելլյանը ինստագրամյան իր էջում նույնես շնորհավորել է Մալենային:

«Հաղթող, շնորհավորանքներս»:
«Շնորհավորում եմ, արժանի հաղթանակ»,- գրել է երգչուհի, ՀՀ վաստակավոր արտիստ Նունե Եսայանը՝հրապարակելով Մալենայի լուսանկարը:

Դերասանուհի, հաղորդավարուհի Նազենի Հովհաննիսյանի կարծիքով՝ արժանի հաղթանակ էր:
«Սիրուն ջաաան, ուժեղ ու ՏԱՂԱՆԴԱՎՈՐ երգչուհի ու գժական էներետիկա: ԱՐԺԱՆԱՎՈՐԱԳՈՒՅՆ ԱՌՋԻՆ ՏԵՂ: Շնորհավոր, քաղցր բալա»:

Երգչուհի Սոֆի Մխեյանն էլ գրել է.
«Արժանի հաղթանակ: Շնորհավորում եմ ամբողջ թիմին: Առաջին իսկ վայրկյանից սիրել եմ Մալենային ու վստահ եղել, որ հաջողությունն ու հաղթանակը չեն ուշանա»:

Դերասանուհի Մարիամ Ալեքսանյանը, ով նաև շատ մտերիմ հարաբերություններ ունի Մալենայի հետ, ինստագրամյան իր էջում տեսանյութ է հրապարակել՝ ցույց տալով իր ուրախությունն ու հուզմունքը:

«Կեցցես: Ապրես, իմ սիրուն աղջիկ: Ես հպարտ եմ՝ շաաատ, անսահման: Շնորհակալություն բոլորին, ովքեր իրենց լուման ունեցել են Հայաստանի հաղթանակի համար»,- գրել է Մարիամը:

Արամ MP-ն, ով մեծերի Եվրատեսիլում զբաղեցրել էր 4-րդ հորիզոնականը, ինստագրամի իր էջում հրապարակել է Մալենայի լուսանկարն ու գրել.
«Ուռաաաաաաա: Հաղթանակ»:

«Շնորհավոր: Լուր, որ բերեց ցնծություն Հայաստան: Լայն ժպիտ վերջին տարվա մեջ: Ապրես հրաշք ջան, ապրի թիմը»,- ինստագրմյան իր էջում Մալենայի լուսանկարին կից գրել է երգչուհի Զարուհի Բաբայանը:

Հաղորդավարուհի Արևիկ Ուդումյանը նույնպես միացել է շնորհավորանքներին:
«Վերջապես՝ լավ լուր: Մեր բալիկներն այսօր իմացան, որ Հայաստանը հաղթել է: Այս բառերը կարոտել էինք»,- գրել է Արևիկը:

Դերասանուհի Մարինկա Խաչատրյանը գրել է.
«Ապրես սիրուն: Բրավո»:
«Մենք արեցինք դա, Հայաստանը հաղթեց»,- ինստարամյան իր էջում գրել է երգիչ Էրիկ Կարապետյանը:

Երգչուհի Էմմին, ով տարիներ առաջ նույնպես մասնակցել էր մեծերի Եվրատեսիլին, շնորհավորել է Մալենային:
«Հաղթանակ: Հրաշալի աշխատանք էր»:

«Ապրեք շատ: Ուրախացրիք շատ հայերիս»,- գրել է երգչ Արամեն՝ հրապարակելով Մալենայի լուսանկարը:

Երգչուհի Սյուզաննա Մելքոնյանը, ով այս տրի հաղթել էր «Ну-ка, все вместе!» ռուսակն շոուում, ինստագրամի իր էջում գրել է.

«Տարին սկսվեց ՀԱՂԹԱՆԱԿՈՎ: Շարունակվեց ՀԱՂԹԱՆԱԿՈՎ: Փակեցինք ՀԱՂԹԱՆԱԿՈՎ: Այնքան հպարտ եմ և ուրախ: Մեզ հիմա ՀԱՂԹԱՆԱԿՆԵՐ շատ են պետք»: