Հատուկ ռազմական գործողությունը խստորեն ըստ ժամանակացույցի է ընթանում
Ուկրաինայում գործողության ընթացքում ռուս զինվորներն ու սպաները խիզախորեն են գործում՝ ինչպես իսկական հերոսներ։ Այս մասին հինգշաբթի ՌԴ Անվտանգության խորհրդի մշտական անդամների հետ հանդիպմանն ասել է ՌԴ նախագահ Վլադիմիր Պուտինը, փոխանցում է ՏԱՍՍ-ը։
Նա նաեւ հավելել է, որ հատուկ ռազմական գործողությունը խստորեն ըստ ժամանակացույցի եւ ըստ պլանի է ընթանում, բոլոր առաջադրված խնդիրները լուծվում են։
«Ուզում եմ ասել, որ հատուկ ռազմական գործողությունը խստորեն ըստ ժամանակացույցի, ըստ պլանի է ընթանում։ Բոլոր առաջադրված խնդիրները հաջողությամբ լուծվում են»,- ասել է պետության ղեկավարը եւ խնդրել ՌԴ պաշտպանության նախարար Սերգեյ Շոյգուին մանրամասն զեկուցել այդ մասին։