Մերձմոսկվայի բակում երկու տարեկան երեխա է մահացել մեքենայի անիվների տակ
Մերձմոսկովյան Միտիշի թաղամասի բակերից մեկում կինը մեքենայով վրաերթի է ենթարկել 2-ամյա երեխայի։ Այս մասին հայտնել է Մոսկվայի մարզի դատախազությունն իր Telegram-ալիքում։
«Նախնական տվյալներով՝ այսօր Միտիշչիում՝ Պիոներական փողոցի տան բակում, 1979 թ. ծնված կինը, որը Nissan մակնիշի ավտոմեքենա էր վարում, վրաերթի է ենթարկել 2020 թ. ծնված երեխային։ Մանկահասակ երեխան ստացած վնասվածքներից տեղում մահացել է», — հայտնում է վերահսկիչ գերատեսչությունը։
Մերձմոսկովյան ոստիկանության մամուլի ծառայությունից ՏԱՍՍ-ին հայտնել են, որ մեկ տարեկան եւ 11 ամսական երեխան դուրս է վազել ճանապարհի երթեւեկելի հատված եւ ընկել մեքենայի տակ: Վարորդը դեպքի վայրից փախուստի չի դիմել։