Շնչելու օդ չկա. բացահայտվել է COVID-19-ից մահացած հղի կնոջ նամակագրությունը
COVID-19-ից մահից առաջ 20-ամյա հղի ուկրաինուհին խոսել է բժիշկների անփութության և հիվանդանոցում թթվածնի սուր պակասի մասին, հայտնում է Observer-ը։ Աղջկա հետ նամակագրությունը ֆեյսբուքյան իր էջում հրապարակել է նրա մայրը։
Ելենա Բորովեցը, մասնավորապես, գրել է մորը, որ ինքը բողոքել է բուժանձնակազմին թթվածնի պակասից, սակայն, ի պատասխան, իրեն սպառնացել են տեղափոխել այլ հիվանդանոց։
«Հիմա ես բաժանմունքում մենակ չեմ, երբ սենյակակիցս շնչում է, ինձ համար շնչելու օդ չկա, մի խոսքով, անտանելի։ Մենեջերը եկավ, ասում է՝ եթե այսպես շարունակես, այստեղից ուրիշ հիվանդանոց կգնաս»,- գրել է աղջիկը։
Մահացածը բողոքել է նաև, որ կլինիկայում թթվածինը արագ է վերջանում։ «Նույնիսկ եթե գնում եմ քնելու, ես արթնանում եմ այն զգացողությունից, որ շնչահեղձ եմ լինում»,- ասել է նա։ Ելենա Բորովեցը հղիության յոթերորդ ամսում էր։ Նրա երեխային նույնպես չի հաջողվել փրկել։