Պուտինի ու Շոյգուի միջեւ լարվածությունն աճում է․ NYT
ՌԴ նախագահ Վլադիմիր Պուտինի և ՌԴ պաշտպանության նախարար Սերգեյ Շոյգուի միջև լարվածությունն աճում է այն պատճառով, որ Կրեմլի ղեկավարին չեն հայտնել Ուկրաինայում ՌԴ ԶՈւ իրական կորուստների մասին։ Այս մասին New York Times-ին հայտնել են ամերիկյան հետախուզությունում։
Սպիտակ տունն ընդգծել է, որ Պուտինի խորհրդականները ապատեղեկացնում են նրան՝ լռելով հարձակման ձախողման և արևմտյան պատժամիջոցների իրական հետևանքների մասին։
Լրագրողները ենթադրում են, որ Չեռնիգովի ռմբակոծումը Ռուսաստանի կողմից զորքերի ենթադրյալ դուրսբերման մասին հայտարարություններից հետո նույնպես վկայում է խառնաշփոթի մասին։ Այնուամենայնիվ, Պուտինի վերջնական նպատակը մնում է մշուշոտ, գրել է թերթը։
Նախկինում Պենտագոնը կասկածում էր, թե արդյոք Պուտինը նշանակել է Ուկրաինայում «հատուկ գործողության» համար պատասխանատու անձի, քանի որ ռուսական զորքերը շատ ոլորտներում իրենց շատ քաոսային են պահում։
Ուկրաինայի Գլխավոր շտաբի վերջին տվյալների համաձայն՝ պատերազմի սկզբից ՌԴ բանակի անձնակազմի կորուստները կազմել են 17 հազար։