Ջախջախումը ավարտվում է․ ՌԴ ՊՆ-ն նոր հաղորդագրություն տարածեց
Ռուսաստանի զինված ուժերի ստորաբաժանումները ավարտում են «Դոնբաս» ազգայնական գումարտակի ջախջախումը։ Այս մասին հայտարարել է ՌԴ ՊՆ պաշտոնական ներկայացուցիչ, գեներալ-մայոր Իգոր Կոնաշենկովը։
Նա ասել է, որ ռուսական օպերատիվ-մարտավարական և բանակային ավիացիան մեկ օրում խոցել է Ուկրաինայի գրեթե 90 ռազմական օբյեկտ։
«Օրվա ընթացքում օպերատիվ-մարտավարական և բանակային ավիացիան խոցել է Ուկրաինայի 89 ռազմական օբյեկտ, այդ թվում՝ չորս հրամանատարական կետ, բազմակի հրթիռային համակարգերի երկու կայանք, ինը հրետանի, հրթիռային և հրետանային զենքի և զինամթերքի հինգ պահեստ»,- նշել է Կոնաշենկովը։
ՌԴ ՊՆ պաշտոնական ներկայացուցչի խոսքով՝ ռուսական հակաօդային պաշտպանության համակարգերը օդում խոցել են նաև յոթ ուկրաինական անօդաչու թռչող սարքեր։
Կոնաշենկովը հայտնել է, որ Ուկրաինայում հատուկ գործողության ընթացքում ՌԴ ԶՈւ-ն ոչնչացրել է 214 անօդաչու թռչող սարք, 1483 տանկ և 150 բազմակի հրթիռային կայան։
«Ընդհանուր առմամբ, հատուկ ռազմական գործողության սկզբից ի վեր ոչնչացվել է 214 անօդաչու թռչող սարք, 1483 տանկ և այլ զրահատեխնիկա, 150 բազմակի հրթիռահրետանային կայանք, 584 դաշտային հրանոթ և ականանետ, ինչպես նաև 1279 միավոր հատուկ ռազմական մեքենա»,- ասել է նա։