ՌԴ ՊՆ-ն հաղորդագրություն տարածեց
Գեներալն ընդգծելէ, որ արևմտյան երկրները ոչ միայն տեղյակ են կոպիտ խախտումների մասին, այլև փորձում են ուկրաինական իշխանություններին օգնել խուսափել պատասխանատվությունից։
Ուկրաինական կողմը խափանել է ռազմագերիների փոխանակումը, որը նախատեսված էր այսօր։ Այս մասին հայտարարել է Ուկրաինայում մարդասիրական արձագանքման հարցերով ՌԴ Միջգերատեսչական համակարգող շտաբի ղեկավար, Պաշտպանության կառավարման ազգային կենտրոնի պետ գեներալ-գնդապետ Միխայիլ Միզինցևը։
Ինչպես նշել է Միզինցևը,ուկրաինականկողմը նույնիսկ այս մարդասիրական հարցում անհետևողականություն և սեփական երկրի քաղաքացիների ճակատագրի նկատմամբ բացահայտ անտարբերություն է ցուցաբերում։
«Կիևիիշխանությունները երկար ժամանակ խափանում են նախապես համաձայնեցված պայմաններով ռազմագերիների փոխանակումը։ Այսօր նախատեսված ռազմագերիների փոխանակումը նույնպես խափանել է ուկրաինական կողմը»,-ասել է գեներալը։
Նրա խոսքով՝ փոխանակման համար հայտագրված 251 զինծառայողների ցանկն օրվա ընթացքումբազմիցս ճշտվել է, ռազմագերիների թիվը բազմիցս կրճատվել է:
Վերջին փուլում համաձայնեցված ցուցակը՝ ընդամենը 38 զինծառայողների անուններով, այսօր առավոտյան ուկրաինական կողմը նույնպես մերժել է՝ առանց պատճառներ նշելու։
Գեներալը Կիևին մեղադրել է ռուս ռազմագերիների նկատմամբ միջազգային մարդասիրական իրավունքը խախտելու համար։ Նրա խոսքով՝ արևմտյան երկրները ոչ միայն տեղյակ են կոպիտ խախտումների մասին, այլև փորձում են ուկրաինական իշխանություններին օգնել խուսափել պատասխանատվությունից:
«Այդ է վկայում այն, որ Կիևի ռեժիմը դեռևս ընթացիկ տարվա ապրիլի 1-ին Մեծ Բրիտանիայի արտաքին քաղաքական գերատեսչությանը տեղեկացրել է, որ ռուս ռազմագերիների հետ վերաբերմունքում մտադիր չէ պահպանել Ժնևի կոնվենցիան»,- ասել է նա:
Բացի այդ, Ուկրաինայի իշխանությունները արևմտյան երկրներին համոզում են Կարմիր խաչի միջազգային կոմիտեին դրդել հրաժարվել ռուս ռազմագերիներին հասանելիություն ստանալու փորձերից:
«Ռուս զինծառայողների շուրջ նման մանիպուլյացիաները համոզիչ կերպով վկայում են, որ շատ արևմտյան երկրների իշխանություններ մասնակից են դառնում ուկրաինացի նեոնացիստների անմարդկային հանցագործություններին»,-ընդգծել է ռուս գեներալը:
Նա նաև հայտարարել է, որ Ռուսաստանը դիմել է ՄԱԿ-ին, ԵԱՀԿ-ին, Կարմիր խաչի միջազգային կոմիտեին, ինչպես նաև Գերմանիայի, Թուրքիայի և Ֆրանսիայի ղեկավարություններին, որպեսզի նրանք Ուկրաինայից պահանջեն ԿԽՄԿ-ին թույլ տալ տեսնել ռուս ռազմագերիներին, որոնց պահման պայմանների և առողջական վիճակի մասին քիչ բան է հայտնի։
Միզինցևը ճշտել է, որ ԿԽՄԿ-ի և այլ մարդասիրական կազմակերպությունների կողմից միջոցներ չձեռնարկելու դեպքում Ռուսաստանի Դաշնությունն իրեն իրավունք է վերապահում առաջիկայում անվտանգության խորհրդի արտահերթ նիստ նախաձեռնել և Ուկրաինայի ներկայացուցչից և ԿԽՄԿ-ի ղեկավարությունից մանրամասն հաշվետվություն պահանջել ռուս զինծառայողների պահման պայմանների և առողջական վիճակի մասին:
Безопасная авантюра без «парашюта». «Паст»
«Почему стрелы были направлены именно в адрес “того, кто разнимает драку”. «Паст»
Анастасия Демурчян завоевала серебро на чемпионате России по боксу в Уфе
Сильнейшую вспышку зафиксировали на Солнце
В Ереване обрушилась часть здания бывшего фортепианного завода: есть пострадавший
Следующей власти придется начинать все с нуля: «Паст»
Вся страна стала заложницей страхов и тревог Пашиняна: «Паст»
Почему бывший министр обороны «заговорил сейчас»? «Паст».
Ушаков рассказал об итогах переговоров с Уиткоффом
От бутербродов с икрой отказалась! Готовлю бриоши с красной рыбой и укропным кремом — изысканно и пр...