ՌԴ պաշտպանության նախարարությունը հաղորդագրություն է տարածել
Օդեսայի մոտ ոչնչացվել է օտարերկրյա վարձկանների հավաքագրման և պատրաստման կենտրոնը
Դրա համար կիրառվել են «Բաստիոն» առափնյա հրթիռային համակարգի բարձր ճշգրտության հրթիռներ։
Այլ տեղեկություններ Ուկրաինայում իրականացված հատուկ գործողության ՌԴ ՊՆ-ի ամփոփագրից․
➖Դոնեցկի մարզում բարձր ճշգրտության հրթիռները Պոկրովսկի, Սլավյանսկի, Բարվենկովոյի երկաթուղային կայարաններում ոչնչացրել են Դոնբաս ժամանած ուկրաինական զորքերի պահեստազորի զենքերն ու զինտեխնիկան։
➖Ռուսական հակաօդային պաշտպանությունը Ստարայա Զբուրևկայի տարածքում օդում խոցել է ուկրաինական երկու ռազմական ուղղաթիռ՝ Մի-8 և Մի-24, հինգ անօդաչու թռչող սարք, այդ թվում՝ երկուսը Bayraktar TB-2, Կրիվոյ Ռոգի շրջանում:
➖Ռուսաստանի օդատիեզերական ուժերի և հրթիռային ուժերի օպերատիվ-մարտավարական ավիացիան մեկ օրում խոցել է Ուկրաինայի 81 ռազմական օբյեկտ։
➖Հատուկ ռազմական գործողության մեկնարկից ի վեր ոչնչացվել է ուկրաինական 97 ուղղաթիռ, 421 անօդաչու թռչող սարք, 228 հեռահար և միջին հեռահարության զենիթահրթիռային համալիր, 2019 տանկ, 223 համազարկային կրակի ռեակտիվ կայանք, 874 դաշտային հրետանային կայանք և ականանետ, 1917 միավոր հատուկ ռազմական ավտոմոբիլային տեխնիկայի։