ՌԴ պաշտպանության նախարարությունը հաղորդագրություն տարածեց

Ռուսական նավը «Կալիբրներով» հարված է հասցրել Կիևի ծայրամասում գտնվող ռազմական գործարանին, տեղեկությունը հայտնել է Ռուսաստանի պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը:

▫️Ժուլյանի «Վիզար» մեքենաշինական գործարանին հարվածելու արդյունքում ոչնչացվել են մեծ ու միջին հեռահարության զենիթահրթիռային
համալիրների, ինչպես նաև հականավային հրթիռների արտադրության ու վերանորոգման արտադրամասերը:

▫️Նաև հարված է հասցվել Ուկրաինայի 221 ռազմական օբյեկտի, այդ թվում՝ կառավարման 12 կետերի, հակառակորդի կենդանի ուժի կենտրոնացման 176 հենակետերի ու շրջանների, ճնշվել են հրետանու 12 կրակային դիրքեր:

▫️Կիևի օբյեկտներին հրթիռային հարվածների քանակն ու ծավալները կաճեն ազգայնական ռեժիմի կողմից ռուսական տարածքում ահաբեկչական բնույթի ցանկացած հարձակում կամ դիվերսիա իրականացնելու դեպքում։

▫️Ռուսաստանի հակաօդային պաշտպանությունը խոցել է Ուկրաինայի Սու-27 կործանիչ և ութ անօդաչու թռչող սարք:

▫️Ռուսական հակաօդային պաշտպանության միջոցները Չերնիգովի մարզի Գորոդնյա բնակավայրի շրջանում ավիաբազա վերադառնալիս Ս-400 զենիթահրթիռային համալիրով խոցել են ուկրաինական Մի-8 ուղղաթիռը, որն ապրիլի 14-ին հարձակում էր գործել Բրյանսկի մարզի Կլիմովո խաղաղ բնակավայրի բնակիչների վրաժ:

▫️Օպերատիվ-մարտավարական ավիացիան գիշերվա ընթացքում ոչնչացրել է Ուկրաինայի 13 ռազմական օբյեկտ։ Դրանց թվում են՝ հրթիռահրետանային սպառազինության երկու պահեստ, անձնակազմի և ուկրաինական ռազմական տեխնիկայի կենտրոնացման 10 շրջան։

▫️Ռուսական ավիացիան ոչնչացրել է կենդանի ուժի և ուկրաինական ռազմական տեխնիկայի կուտակումներ, այդ թվում՝ երեք հենակետեր, 9 միավոր զրահատեխնիկա ու տարբեր նշանակության ավտոմեքենաներ:

▫️ ՌԴ-ի հրթիռային զորքերը Ուկրաինայում ոչնչացրել են լեհ վարձկանների մինչև 30 հոգանոց ջոկատը:

▫️Խարկովի մարզի Իզյումսկոյե բնակավայրում հրթիռային զորքերի հասցրած հարվածի արդյունքում ոչնչացվել է լեհ մասնավոր ռազմական ընկերության վարձկանների ջոկատը։ Ոչնչացվել են մինչեւ 30 լեհ վարձկաններ։