Վերջին երկու օրերին ադրբեջանական զինուժը տեխնիկա է կիրառել` նրանք ճանապարհ են հարթում
Ճշմարտություն` Սյունիքի Ներքին Հանդի բնակիչներից
ՀՀ ՊՆ-ն և Սյունիքի մարզպետը հերքում են տեղեկատվությունն այն մասին, որ Ադրբեջանի զինված ուժերն առաջ են եկել Հայաստանի ինքնիշխան տարածքում, սակայն տեղի բնակիչները հակառակն են փաստում:
Գյուղացիներից մեկը ️Ադրբեջանի ԶՈՒ֊ի դիրքերը նկատել է մոտ 1,5 ամիս առաջ։ Սկզբում ադրբեջանցի զինվորականների վրանները 3-ն էին, հետո դարձան 5-ը։
Այն հատվածում, որը զբաղեցրել են ադրբեջանցիները, արոտավայրերն ու գյուղացիների դաշտերն են: Բլրի դիմաց՝ հին գյուղը, բանջարանոցներն ու գերեզմանոցը։ Ներքին Հանդի բնակիչները պարբերաբար այնտեղ եղել են ու չէին կարող չնկատել զինվորականների հայտնվելը։
Գյուղին առանց այդ էլ չէին բավարարում հողերն ու արոտավայրերը, իսկ ադրբեջանական ԶՈՒ֊ի առաջխաղացումից հետո արոտավայրերի խնդիրը սրվեց։ Բացի այդ, բնակիչների խոսքով, վտանգ է առաջացել նաև խմելու ջրի ակունքների համար։
Այժմ գյուղից մինչև ամենամոտ գտնվող ադրբեջանական դիրքեր խորհրդային սահմանը ընդամենը 500մ է, իսկ ծայրամասում գտնվող գյուղական տնից՝ 300մ:
Վերջին երկու օրերին ադրբեջանական զինուժը տեխնիկա է կիրառել` նրանք ճանապարհ են հարթում։
Գրում է Սպուտնիկ Արմենիան