Վերջին մեկ շաբաթվա ընթացքում Զելենսկիին երեք անգամ փորձել են սպանել
Վերջին մեկ շաբաթվա ընթացքում Ուկրաինայի նախագահ Վլադիմիր Զելենսկու դեմ մահափորձ է եղել առնվազն երեք անգամ, գրում է բրիտանական The Times թերթը։
Լրագրողների տվյալներով՝ ուկրաինացի առաջնորդին սպանելու համար ուղարկվել են երկու տարբեր խմբեր՝ «Վագներ» խմբավորման վարձկաններ և չեչենական հատուկ ջոկատայիններ։ Ամեն անգամ մահափորձերը խափանվել են Ուկրաինայի հետ պատերազմի դեմ հանդես եկող ռուսական ԱԴԾ-ի շնորհիվ, գրում է թերթը։
«Վագների» վարձկանները Կիևում բազմաթիվ զոհեր են ունեցել իրենց շարքերում և մտահոգվել են, թե որքան ճշգրիտ են ուկրաինացիները կանխատեսել իրենց գործողությունները: Խմբին մոտ կանգնած աղբյուրը հայտնել է, որ Զելենսկու անվտանգության ծառայության տեղեկացվածությունը նրանց համար դարձել է «սարսափելի»:
Շաբաթ օրը Կիևի մատույցներում ևս մե մահափորձ է կանխվել, որը պետք է իրագործեին չեչեն վարձկանները։ Նրանք ոչնչացվել են, գրում է պարբերականը։