Օր 42. Ինչ է տեղի ունեցել վերջին ժամերի ընթացքում

Պենտագոնը կարծում է, որ Ուկրաինայում հակամարտությունը կարող է տարիներ տևել, ասել է ԱՄՆ բանակի շտաբի պետ Միլին:
***

Բայդենը կարգադրել Է Ուկրաինային 100 մլն դոլարի լրացուցիչ ռազմական օգնություն տրամադրել, հայտնել են Սպիտակ տունը: Պետքարտուղար Բլինկենը մանրամասնել է, որ լրացուցիչ ռազմական օգնությունը հակատանկային համակարգեր են։
***

Ուկրաինայում իրականացված հատուկ գործողության ամփոփում՝ ՌԴ ՊՆ-ից.

➖Ռուսաստանի և Դոնեցկի զինված ուժերը կազատագրեն Մարիուպոլը ազգայնականներից։

➖Ուկրաինական երկու Մի-8 ուղղաթիռներ կրկին փորձել են Մարիուպոլից տարհանել «Ազով» ազգային գումարտակի ղեկավարությանը։ Նրանք խոցվել են ՌԴ ԶՈւ-ի կողմից։

➖Ռուսաստանի զինված ուժերը ոչնչացրել են Ուկրաինայի տարածքային պաշտպանության ստորաբաժանման հրամանատարական կետը, վառելիքի պահեստարան և զրահատեխնիկայի վերանորոգման գործարան։ Օրվա ընթացքում խոցվել են Ուկրաինայի 33 ռազմական օբյեկտներ, 5 անօդաչու թռչող սարքեր։

➖Ընդհանուր առմամբ, հատուկ գործողության սկզբից ի վեր ոչնչացվել է 125 ինքնաթիռ, 93 ուղղաթիռ, 403 անօդաչու թռչող սարք, 1981 տանկ և զրահամեքենա, 854 դաշտային հրետանի և ականանետ, 1876 միավոր հատուկ ռազմական տեխնիկա։

***

Այժմ Թուրքիայի նախագահ Ռեջեփ Թայիփ Էրդողանն անձամբ է պայմանավորվում Վլադիմիր Պուտինի հետ` շրջափակված Մարիուպոլից վիրավորներին և քաղաքի զոհված պաշտպանների մարմինները դուրս բերելու հարցում։ Այս գործողությունը կախված է միայն Կրեմլի տիրոջ որոշումից։ Այս մասին Ուկրաինայի առաջատար հեռուստաալիքներին տված հարցազրույցում ասել է Ուկրաինայի նախագահ Վլադիմիր Զելենսկին, գրում է segodnya.ua-ն։

«Կա մարդասիրական առաքելություն, որը համապատասխան պարտավորություններ է դնում Մարիուպոլի պաշտպանների վրա, սրանք նրանց եղբայրներն են, ովքեր վիրավորվել են կամ մահացել։ Մենք կուզենայինք, որ նրանք այնտեղ չլինեին, որպեսզի ծնողները նրանց հետ ստանան, իսկ մենք վիրավորներին դուրս հանենք։ Մենք միջնորդ էինք փնտրում, ում կընդուներ ռուսական կողմը։ Թուրքիան այսօր պատրաստ է նրանց նավերով տարհանել… Սպասում ենք Պուտինի համաձայնությանը: Ես խոսում եմ Էրդողանի հետ: Էրդողանը խոսում է նրա հետ, և այժմ այս պահը հիմնականում կախված է նրանից։ Մեր պատվիրակությունները քննարկել են տեխնիկական հարցեր։ Եթե ​​հաջողվի այս առաջին մարդասիրական քայլը, ապա առաջիկա օրերին կտեսնենք արդյունքը։ Եթե ​​մենք չկարողանանք, մենք հաստատ կիմանանք, որ ՌԴ նախագահն անձամբ նման հնարավորություն չի տալիս»,- ասել է Զելենսկին։

Ուկրաինայի նախագահն ընդգծել է, որ այժմ շատ դժվար է ռազմական օգնություն ցուցաբերել քաղաքի պաշտպաններին։ «Այսօր Մարիուպոլի ռազմական ապաօկուպացիան դժվար է, և այս տղաները, ովքեր հիմա շատ դժվար ժամանակներում են, դա լավ գիտեն։ Մենք իսկապես կապի մեջ ենք գրեթե ամեն օր, և նրանց համար դժվար է։ Նրանք շատ ուժեղ են, ճիշտ է, բայց նրանց համար դժվար է։ Ավելին, դժվար է տարբեր առումներով»,- նշել է պետության ղեկավարը։
***

Ուկրաինայում ռուսների ցեղասպանության ճանաչման վերաբերյալ բանաձևի նախագիծ է ներկայացվել Պետդումա։ Փաստաթղթում ասվում է, որ Կիևի իշխանությունները 8 տարի շարունակ ոչնչացնում են ռուս բնակչությանը ԴԺՀ-ում և ԼԺՀ-ում։
Մասնավորապես, Ուկրաինան օրենսդրական մակարդակով դեռ 2014 թվականին սահմանել է «այս հանրապետությունների բնակիչների ֆիզիկական ոչնչացման» կուրսը։
***

Ուռճացնելով հիստերիան Բուչայի շուրջ` Արևմուտքը փորձում է խաթարել Ռուսաստանի և Ուկրաինայի բանակցային գործընթացը, որում առաջընթաց է գրանցվել Ստամբուլում։ Այս մասին «Ռոսիա 24» հեռուստաալիքի եթերում հայտարարել է ՌԴ արտաքին գործերի նախարար Սերգեյ Լավրովը։

ՌԴ ԱԳՆ ղեկավարի խոսքով՝ «Բուչայում ակհայտ կեղծ սադրանքը» տեղի է ունեցել այն բանից հետո, երբ Ուկրաինան առաջին անգամ թղթի վրա դրեց հնարավոր խաղաղության դրույթները, այդ թվում՝ Ղրիմի վերաբերյալ։

«Առաջին անգամ ուկրաինական կողմը թղթի վրա դրեց իր պատրաստակամությունը՝ հայտարարելու իր պետությունը չեզոք, ոչ դաշնակցային, ոչ միջուկային, և առաջին անգամ հայտարարեց իր պատրաստակամության մասին՝ հրաժարվելու իր տարածքում օտարերկրյա պետությունների զենք տեղակայելուց և իր տարածքում օտարերկրյա զինվորականների մասնակցությամբ զորավարժություններ անցկացնելուց` բացառությամբ սույն պայմանագրի բոլոր երաշխավոր երկրների համաձայնության, որում, հուսով ենք, կներառի Ռուսաստանի Դաշնությունը», — ասել է ՌԴ ԱԳ նախարարը: