Ուկրաինայի գրեթե ողջ մարտունակ ավիացիան ոչնչացված է. ՌԴ ՊՆ
ՌԴ ՊՆ ներկայացուցիչ Իգոր Կոնաշենկովը ճեպազրույցի ընթացքում տեղեկացրել է, որ Ռուսաստանի օդատիեզերական ուժերը բարձր ճշգրտության զենքերով կաթվածահար են արել Վիննիցայի օդանավակայանը։
Ըստ ուկրաինական աղբյուրների՝ օդանավակայանի ուղղությամբ հրթիռներ են արձակվել Սև ծովում գտնվող ՌԴ ՊՆ Սևծովյան նավատորմի հրթիռակիր ռազմանավերից։
ՌԴ օդատիեզերական ուժերի կործանիչն ու հակաօդային պաշտպանությունը օդում խոցել են ևս երեք ուկրաինական «Սու-27» կործանիչ և երեք անօդաչու թռչող սարքեր, հայտնել է պաշտոնյան։
Ուկրաինական «Ունիան» գործակալությունը հայտնել է ՌԴ ՊՆ «Սու֊25» մեկ կործանիչ խոցելու մասին։
«Ուկրաինայի գրեթե ողջ մարտունակ ավիացիան ոչնչացված է»,- ասել է Կոնաշենկովը։
Ռուսաստանի պաշտպանության նախարարությունը զգուշացրել է հարևան երկրներին ուկրաինական մարտական ինքնաթիռների բազայի համար իրենց օդանավակայանների օգտագործման անթույլատրելիության մասին։ Ըստ նախարարության՝ դա կգործարկվի որպես հակամարտությանն անմիջական մասնակցություն։
ՌԴ ՊՆ նախազգուշացրել է Ուկրաինայի պաշտպանական արդյունաբերության ձեռնարկություններին գերճշգրիտ զենքերով հարվածելու մասին, եթե նրանք շարունակեն վերանորոգել ուկրաինական վնասված զինտեխնիկան։