Նյու Յորքի բազմահարկ շենքում բռնկված հրդեհի հետեւանքով առնվազն 19 մարդ Է մահացել․ այն վերջին 30 տարվա ընթացքում ամենասարսափելին է համարվել (տեսանյութ)
Առնվազն 19 մարդ, այդ թվում՝ ինը երեխա, մահացել է Նյու Յորքի Բրոնքս շրջանում բռնկված հրդեհի հետևանքով, հայտնում է ABC News-ը։
«Պաշտոնյաները հայտնել են, որ առնվազն 19 մարդ, այդ թվում՝ ինը երեխա, զոհվել է Նյու Յորքում կիրակի օրը տեղի ունեցած զանգվածային հրդեհի հետևանքով»,- ասվում է հեռուստաալիքի հաղորդագրության մեջ:
Ավելի վաղ ասվել էր, որ 63 մարդ տարբեր աստիճանի վնասվածքներ է ստացել ծխից ու հրդեհից։ Առնվազն 32 մարդ տեղափոխվել է քաղաքային հիվանդանոցներ կյանքին վտանգ սպառնացող վնասվածքներով։ Հեռուստաալիքի տվյալներով՝ քաղաքային իշխանություններն այս հրդեհն անվանում են վերջին 30 տարվա ընթացքում ամենասարսափելին։
Հաղորդվում է, որ այս պահին հրդեհը մարված է։ Հրշեջ ծառայությունը դեռևս չի հայտնել զոհերի և վիրավորների թվի մասին պաշտոնական տեղեկատվություն։
Մարիամ Գևորգյան