Ադրբեջանն արգելել է բժշկական ուղղաթիռի ժամանումը Երևանից Ստեփանակերտ՝ ողնաշարի կոտրվածք ստացած երեխային․․․
«Հիմա շատ ուշադիր այս «խաղաղասերներ»- ի մասին կարդացե’ք և պատկերացրե’ք, թե ուր ենք հասել»: Այս մասին ֆեյսբուքյան իր էջում գրել է Արթուր Արամյանը:
«Ադրբեջանն արգելել է բժշկական ուղղաթիռի ժամանումը Երևանից Ստեփանակերտ՝ Մարտունիում տեղի ունեցած վթարի հետևանքով տուժած ողնաշարի կոտրվածքով 7-ամյա երեխային տարհանելու համար.
Քիչ առաջ սարսափելի վրաերթ է տեղի ունեցել Արցախի Մարտունիում. Տուժածներից մեկը ողնաշարի կոտրվածքով 7-ամյա երեխա է։ Նրան տեղափոխել են Ստեփանակերտի մանկական հիվանդանոց, սակայն այնտեղ բժիշկների խորհուրդը որոշել է շտապօգնության մեքենայով նրան շտապ տեղափոխել Երեւան, քանի որ մեքենայով վարելը ռիսկային է։
Ռուսական ԱՊՊԱ-ն թույլ է տվել, որ շտապօգնությունը գա Երևանից, իսկ Ադրբեջանն արգելեց՝ հայտարարելով, որ Արցախի երկնքում ցանկացած օդային օբյեկտ կխփեն։ Հայաստանի իշխանությունները կարծես թե դեմ չէին և ընդունեցին Ադրբեջանի պահանջը»։