«Սիրել նշանակում է ցանկանալ դիմացինի երջանկությունը, եթե նույնիսկ դրա համար պետք է բաժանվել»․ Լիլիթ Հարոյանի հուզիչ գրառումը ամուսնուց բաժանվելու մասին

Դերասանուհի, հաղորդավարուհի Լիլիթ Հարոյանն ու ամուսինը՝ Ալեքսը, բաժանվել են։ Լիլիթն այս մասին հայտնել է սոցցանցային էջերում արված հրապարակմամբ։

«Վերջապես ես պատրաստ եմ ձեզ ասելու, որ ես ու Ալեքը բաժանվել ենք: Մենք փորձել ենք ամեն ինչ՝պահպանելու մեր ընտանիքը, սակայն, ցավոք, ոչինչ չօգնեց: Այդ հաշվով 2-իս սիրտն էլ հանգիստ է, որովհետև ամեն ինչ փորձել ենք, բայց երջանիկ չէինք:

Սիրել նշանակում է ամբողջ էությամբ ցանկանալ դիմացինի երջանկությունը, եթե նույնիսկ դրա համար պետք է բաժանվել: Պատճառների մասին կխոսեմ, երբ պատրաստ լինեմ. առայժմ`այսքանը:

Զոհի կարգավիճակ չկա, դե բնական է, շատ ծանր եմ տարել, ինչպես յուրաքանչյուր բաժանում: Եվ քանի որ ընտանիքն ինձ համար բացարձակ արժեք է, դժվար էր ընդունել իմ բաժանման փաստը, մանավանդ, որ իմ հայրական ընտանիքում տեսել եմ միայն ամրություն և միություն և իմ ենթագիտակցության մեջ բաժանման մասին խոսք անգամ չէր կարող գնալ:

Ես չեմ ուզում տառապել, և չեմ ուզում, որ իմ գոյության պատճառով տառապի մեկ ուրիշ էակ: Համոզված եմ` ճիշտ որոշում է: Իհարկե, ես էլ եմ անցել բոլոր հոգեբանական փուլերով- չընդունում, ջղայնություն, մեղադրանք ինքս իմ և, բնական է, նաև ամուսնուս հանդեպ, հույս, որ կարելի է փրկել հարաբերությունները և այլ էմոցիաների փունջ, ինքնագնահատականի անկում և այլն: Այս թեման դեռ ինձ համար հուզառատ է:

Շնորհակալ եմ բոլոր այն մարդկանց, ովքեր կողքիս էին, և մեծ շնորհակալություն մորս ու հորս և սիրելի ընկերուհուս, որ ամուր կողքիս են»,– թեմայի վերաբերյալ գրել է ԼԻլիթը։

Հիշեցնենք, որ զույգն ամուսնացել էր 2020 թվականին։ Բելառուսցի ամուսնու հետ հարսանեկան ֆոտոշարքն ու սիրո պատմությունը Լիլիթը վստահել էր Tert.am Life–ին։