«Չի՛ կարելի գնալ տուն ու քեզնից անձնագիր ուզեն»․ Արթուր Գրիգորյանի վերջին հուզիչ հարցազրույցը՝ Արցախից
Հայտնի է, որ ՀՀ ժողովրդական արտիստ, երգահան Արթուր Գրիգորյանը արմատներով Արցախից էր: Նա առանձնակի սիրով ու ջերմությամբ էր խոսում Արցախի մասին: Պատերազմից հետո Արսեն Գրիգորյանը մեծ կարոտով ու անսահման ցավով էր խոսում: Արցախ այցի ընթացքում նա Bravo.am-ի հետ իր վերջին հարցազրույցում խոսել էր իր զգացողությունների մասին:
«Եկա, բայց ինչպե՞ս։ Ոնց որ փոքր երեխայից գողանաս ամենասիրելի խաղալիքը։ Տես, քո հետ խոսում եմ ու աչքս Շուշիի կողմն է, որ չեմ կարողանում գնալ։
Գալուց էլ ձեռքով փակել եմ աչքերս, որ չտեսնեմ։ Բայց մարդը մի արարած է, որ ամեն ինչի սովորում է։
Գուցե աբսուրդ թվա ասածս, բայց մեղավորության զգացում ունեմ, որ ապրում եմ ու տեսնում եմ այդ ապրող երեխաների արտասուքը։ Ինքս իմ մեջ անծանոթ պայքարների մեջ եմ։ Այդ անցակետերն էին ազդում վրաս. չի՛ կարելի գնալ տուն, ու քեզնից անձնագիր ուզեն, որ ինչու ես գնում տուն։
Ընդունում եմ, ամեն ինչ հասկանում եմ, բայց ինձ համար չի։ Դժվարությունները տանում եմ հոգուս մեջ։
Հոգին պետք է խելքի հետ աշխատի, բայց հիմա հոգին ավելի շատ է սկսել աշխատել, ինչը ճիշտ չէ։ Հիմա պետք է միացնես իրար ու ասես՝ էս ա, պիտի հարմարվես»,–հուզմունքը մի կերպ զսպելով՝ ասել էր Արթուր Գրիգորիչը։