Լակոտը դու ես ու քո տղեն. Միջադեպ՝ իմքայլական պատգամավորի ու քաղաքացու միջև
Դուք դավաճան եք, քանի որ Նիկոլ Փաշինյանի կողքին եք կանգնած: Քիչ առաջ Ազգային ժողովի մոտ, դիմելով իմքայլական պատգամավոր Հովիկ Աղազարյանին, հայտարարեց քաղաքացիներից մեկը:
«Դավաճանը դու ես՝ քո եղած-չեղածով, լակոտ»,-պատասխանեց պատգամավորը:
«Մի վիրավորեք, լակոտը դու ես ու քո տղեն»,-հայտարարեց քաղաքացին:
Կրքերը թեժացան, ներկաներին հաջողվեց միմյանցից հեռացնել պատգամավորին ու քաղաքացուն՝ կանխելով հնարավոր ծեծկռտուքը:
«Դու իմ հայրենիքն ես ծախել քո կուսակցության ղեկավարի միջոցով: Պարգևավճարներ եք լափում ու երկիրը տանում կործանման, մի հատ էլ վիրավորում եք»,-ասաց քաղաքացին:
Դրանից հետո Աղազարյանը «թուրք» ու «դավաճան» վանկարկումների ներքո հեռացավ: