«Իմ ոչ մի բալիկն ինքն իրեն չի մեծացել». Գարիկի եւ Մարիաննայի երրորդ դուստրը մեկ ամսական է
Գարիկ Պապոյանի եւ Մարիաննա Վարդանյանի կրտսեր դուստրը սեպտեմբերի 5-ին դարձել է մեկ ամսական: Երեք աղջիկների 29-ամյա մայրիկը երեկ մի փոքր ազատ ժամանակ էր գտել եւ ինստագրամյան «լայվ» նախաձեռնել, որը տեւեց մինչեւ փոքրիկի արթնանալը:
Հետեւորդների հարցերին, թե ինչ փոխեց իր կյանքում երրորդ բալիկը, Մարիաննան պատասխանել է, որ այդքան էլ հեշտ չի հաղթահարել հետծննդաբերական շրջանը. տրամադրության կարճատեւ անկումներ եւ վերելքներ է ունենում.
«Սկիզբը շատ դժվար է: Այն, որ ասում են՝ երրորդ բալիկն ինքն իրեն մեծանում է, ես չեմ կիսում այդ կարծիքը, որովհետեւ իմ ոչ մի բալիկն ինքն իրեն չի մեծացել: Ձգտում եմ նախ վայելել յուրաքանչյուր պահը, նաեւ չեմ կարծում, որ առաջին 30-40 օրն ինչ-որ մեկի համար հեշտ լինի»:
Նա նաեւ նշել է, որ հղիությունից հետո դեռ չի փորձում նիհարել.«Հատկապես առաջին երկու ամիսների ընթացքում պետք չէ օրգանիզմը որեւէ սթրեսի ենթարկել. ծննդաբերությունն արդեն իսկ մեծ սթրես է օրգանիզմի համար»:
Մարիաննան նաեւ խոստովանել է, որ իր ամենամեծ ձեռքբերումը համարում է ընտանիքը: